بەرپرسێکی روسیا: ئەسەد بەشێوەیەكی زۆر سەلامەت گواستراوەتەوە بۆ روسیا

SNN-

جێگری وەزیری دەرەوەی روسیا دەڵێت: وڵاتەكەی بەشێوەیەكی زۆر سەلامەت بەشاری ئەسەدی گواستووەتەوە بۆ روسیا، دوای ئەو هێرشە خێرایەی هێزەكانی ئۆپۆزسیۆن ئەنجامیانداو، كۆتاییان بە دەسەڵاتەكەی هێنا.

سێرگی ریابكۆف، لە لێدوانێكدا بە تۆڕی (ئێن.بی.سی نیوز)ی راگەیاندووە: ئەسەد پارێزراوە، ئەوەش دەریدەخات كە روسیا وەك پێویست مامەڵە دەكات لەگەڵ دۆخێكی تایبەتی لەوشێوەیەدا، جەختیشكردووە لەوەی وردەكاری پرۆسەكەو چۆنیەتی ئەنجامدانی روونناكاتەوە.

لەبارەی ئەگەر رادەستكردنی بەدادگاش، جێگری وەزیری دەرەوەی روسیا وتویەتی: روسیا لایەنێك نییە لەو رێككەوتنەی كە دادگای تاوانە نێودەوڵەتییەكانی دروستكردووە.