عێراق بۆ مامەڵەکردن لەگەڵ دۆخى سوریا نەخشەڕێگەیەکى ڕاگەیاند
SNN-
وتەبێژى حکومەتى عێراق لەبارەی مامەڵەکردن لەگەڵ دۆخی سوریا ڕایگەیاند: عێراق دەستوەردان لەکاروبارى سوریادا ناکات و خوازیارى کردنەوەى باڵیۆزخانە و زیادکردنى دیبلۆماتکارەکانیەتى لە سوریا.
باسم عەوادى، وتەبێژى حکومەتى عێراق جەختىکردەوە، سوریا پێویستى بە چاودێرى و پاڵپشتى کۆمەڵگەى نێودەوڵەتى هەیە، هەروەها پاڵپشتى عێراقى بۆ تێپەڕاندنى ئەو دۆخەى لە سوریا دروستبووە ڕاگەیاند.
وتیشی:” عێراق پێشوازى لە هەموو لایەن و بۆچوونەکانى سوریا دەکات، و ئایندەى کارى هاوبەشى نێوان بەغداد و دیمەشقى بە سودبەخش ناوبرد”.
