کەشناسی: بەفر و باران دەبارێت و پلەکانی گەرماش نزمدەبنەوە

SNN-

به‌ڕێوه‌به‌رایه‌تی كه‌شناسی و بومه‌له‌رزه‌زانی هه‌رێمی كوردستان ڕایگه‌یاند، ئه‌مڕۆ ئاسمان بەگشتی لەنێوان نیمچەهەور بۆ هەوری تەواو دەبێت، لەکاتەکانی ئێوارە نمەباران و بەفر سەرەتا لەناوچە شاخاوییە سنورییەکانی باکور دەبارێت، سبه‌ی هه‌ینیش نمە باران و بەفر لەناوچە شاخاوییەکان ده‌بارێت.

به‌ڕێوه‌به‌رایه‌تی كه‌شناسی و بومه‌له‌رزه‌زانی هه‌رێمی كوردستان له‌ ڕاگه‌یه‌ندراوێكدا دەڵێت:” ئه‌مڕۆ پێنجشەممە ئاسمان بەگشتی لەنێوان نیمچەهەور بۆ هەوری تەواو دەبێت، لەکاتەکانی ئێوارە نمەباران و بەفر سەرەتا لەناوچە شاخاوییە سنورییەکانی باکور دەبارێت، پاشان کاریگەری درێژ دەبێتەوە بۆ ناوچەکانی ئیدارەی سۆران و بەفر لە تەواوی ناوچە شاخاوییە سنورییەکانی ئەم دەڤەرە دەبارێت، کاریگەری بەردەوامی دەبێت بۆ رۆژی هەینی و پلەکانی گەرما نزمدەبێتەوە بە ( 2- 4) پلە لە تۆمارکراوەکانى دوێنێ.

کەشناسی دەشڵێت:”سبه‌ی هه‌ینی ئاسمان هەور دەبێت، نمە باران و بەفر لەناوچە شاخاوییەکان بەتایبەتی لەناوچەکانی ئیدارەی سەربەخۆکانی سۆران و راپەڕین پاشان کاریگەری بە لاوازی درێژ دەبێتەوە بەرەوناوچەکانی رۆژهەڵاتی هەرێم پارێزگای هەڵەبجە پاشان لەکاتەکانی ئێوارە کۆتایی بە دابارین دێت کەش جێگیر دەبێتەوە و سبه‌ی پلەکانی گەرما نزم دەبێتەوە بە (3-4) پلە لەناوچە شاخاوییەکان بەتایبەتی ناوچە سنورییەکان زیاتر نزمدەبێتەوە بە (4-7) لەتۆمارکراوەکانى ئەمڕۆ.

بەرزترین پلەکانی گەرمای پێشبینیکراو بە پلەی سیلیزی:
هەولێر : 14 پلەى سیلیزىسلێمانی : 7 پلەى سیلیزى
دهۆک : 11 پلەى سیلیزى
کەرکوک : 12 پلەى سیلیزى
هەڵەبجە : 11 پلەى سیلیزى
زاخۆ : 11 پلەى سیلیزى
حاجی ئۆمەران : -1 پلەى سیلیزى
سۆران : 8 پلەى سیلیزى
گەرمیان : 14 پلەى سیلیزى