ئەمڕۆ کۆتا چەکی پارەی جوتیارانی هەرێم دەگاتە بانکەکانی وەزارەتی بازرگانی

SNN

وەزارەتی بازرگانی و پیشەسازی هەرێم رایگەیاند، ئەمڕۆ چەکی کۆتایی بڕە پارەی شایستە داراییەکانی جوتیارانی هەرێم بۆ ساڵی 2024 دەگاتە سەر حسابی وەزارەتی بازرگانی و پیشەسازی هەرێم.

ئەمڕۆ شەممە 14ی کانوونی یەکەم، وەزارەتی بازرگانی و پیشەسازی هەرێم رایگەیاند، ئەمڕۆ چەکی کۆتایی بڕە پارەی شایستە داراییەکانی جوتیارانی هەرێم بۆ ساڵی 2024 دەگاتە سەر حسابی وەزارەتی بازرگانی و پیشەسازی هەرێم، هاوکات لە ماوەی چەند ڕۆژێکدا ڕێکارە ئیدارییەکان تەواو دەکرێن و دابەش دەکرێت.

ئاماژەی بەوەکردووە، بڕی پارەی کۆتایی بەمجۆرە بەسەر پارێزگاکاندا دابەشدەکرێت:

سلێمانی ( 47٫642٫421٫000) ، 47 ملیار و 642 ملیۆن و 421 هەزار دینارە.

هەولێر (44٫045٫043٫000) ، 44 ملیار و 45 ملیۆن و 43 هەزار دینارە.

دهۆک (34٫165٫533٫000) ، 34 ملیار و 165 ملیۆن و 533 هەزار دینارە.

ئاشکرایکردووە، کۆی گشتی کۆتا چەکی پارەی جوتیاران دەکاتە 125 ملیار و 852 ملیۆن و 997 هەزار دینار.