کارەبای نیشتمانیی هەرێمی کوردستان “شەتداون” بوو کوژایەوە

SNN

بەرەبەیانی ئەمڕۆ کارەبای نیشتمانیی هەرێمی کوردستان کوژایەوە، کارەبای سلێمانی دەڵێت “بەهۆی دابەزینی پەستانی غازەوە بووە لە دانەغاز”.

ئەمڕۆ یەکشەممە 15ی کانوونی یەکەم، غالب محەممەد، بەڕێوەبەری کۆنترۆڵی کارەبای پارێزگای سلێمانی ڕایگەیاند، بەیانی ئەمڕۆ کاتژمێر 04:30ـی کێشەی لێچوونی گاز لە کۆمپانیای دانەگاز هەبوو، سەرەتا بەشێکی سەرچاوەکانی کارەبا کوژانەوە و دواتر بووە کوژانەوەی گشتیی.

هاوکات، بەهۆی کوژانەوە و شەتداونبوونی کارەبای نیشتمانییەوە گرفت بۆ فەرمانگە خزمەتگوزارییەکانی حکومەتی هەرێمی کوردستان دروستبووە.

لەلایەکی ترەوە، بەڕێوەبەرایەتی گشتیی کارەبای سلێمانی لە روونکردنەوەیەکدا ئاماژەی بەوەکردووە، كاتژمێر (4:30)ی بەرەبەیانی ئەمڕۆ یەكشەممە، بەهۆی دابەزینی پەستانی غاز بەخێرایی لە كۆمپانیای داناغاز، ئەوەش بۆ هۆی روودانی كوژانەوەی سەرجەم یەكەكانی وێستگەی بەرهەمهێنانی سلێمانی غازی و روودانی كوژاندنەوەی گشتی كارەبا لە هەرێمی كوردستان.

ئاماژەی بەوەکردووە، لە ئێستاشدا تیمەكانی بەرێوەبەرایەتی كۆنترۆڵی ناوەندی كارەبا هەرێم و كۆنترۆڵی شارەكان لە ئامادەباشدا بۆ وەرگرتنی ڤۆڵتیە و دابەشكردنەوەی كارەبا.