کەشناسی هەرێمی کوردستان: بەفر و باران دەبارێت

SNN-
کەشناسیی هەرێمی کوردستان پێشبینییەکانی کەشوهەوای ئەمڕۆ و سبەی بڵاوکردەوە رایگەیاند، سبەی بارانبارین دەستپێدەکات و لە چەند ناوچەیەکیش بەفر دەبارێت.

کەشناسیی هەرێمی کوردستان دەڵێت:”ئەمڕۆ پێنجشەممە، ئاسمان پەڵەهەور دەبێت پاشان دەگۆرێت بۆ نیمچەهەور و پلەکانی گەرما نزیک دەبنەوە لە تۆمارکراوەکانى دوێنێ”.

هەروەها سبەی هەینی، ئاسمان نیمچە هەوردەبێت پاشان دەگۆڕێت بۆ هەورى تەواو، سەرەتا نمەباران لەکاتەکانى دواى نیوەڕۆدا دەست پێدەکات، پاشان لە شەودا رێژەى دابارین لە زۆربەى ناوچەکان زیاتر دەبێت بەتایبەت لەسنوورى پاریزگاى سلێمانى وهەڵەبجە و ئیدارەى سەربەخۆی راپەڕین.

دەشڵێت:”پێشبینی بەفربارینێکی کەم دەکرێت لە ناوچە شاخاوییە سنوورییەکانی رۆژهەڵاتی هەرێم و پلەکانی گەرما بە نزیکەی 1 بۆ 2 پلەی سیلیزی بەرز دەبنەوە.

بەرزترین پلەکانی گەرمای پێشبینیکراو بە پلەی سیلیزی :

هەولێر: 16 پلەى سیلیزى

سلێمانی: 15 پلەى سیلیزى

دهۆک: 16 پلەى سیلیزى

کەرکوک: 17 پلەى سیلیزى

هەڵەبجە: 16 پلەى سیلیزى

زاخۆ: 16 پلەى سیلیزى

حاجی ئۆمەران: 7 پلەى سیلیزى

سۆران: 15 پلەى سیلیزى

گەرمیان: 20 پلەى سیلیزى