هاكان فیدان: ئەگەر ئیدارەی نوێی سوریا بەرێگایەكی دروست دۆخی هێزە كوردییەكان چارەسەربكات دەستوەردان ناکەین

SNN-

وەزیری دەرەوەی توركیا رایگەیاند:هیچ هۆكارێك نییە وا لەوڵاتەكەی بكات هێرش بكاتە سەر هێزە كوردیەكان لە سوریا، ئەگەر دەسەڵاتدارانی نوێی ئەو وڵاتە بە رێگایەكی دروست دۆخی ئەو گروپانە چارەسەرە بكەن كە ئەنقەرە بە “تیرۆرست” ناویان دەبات.

هاكان فیدان، وەزیری دەرەوەی توركیا، رۆژی چوار شەممە، لە چاوپێكەوتنێكی تەلەفیزیۆنیدا وتی: ئێستا ئیدارەیەكی نوێ هەیە لە دیمەشق، پێموایە ئەوە زۆرترین نیگەرانی بۆ دروستكردون (بۆ هێزە كوردیەكان) ئەگەر ئەو كێشەیە بەشێوەیەكی دروست چارەسەر بكەن، ئەوا هۆكارێك نییە بۆ ئەوەی دەستوەردان بكەین.

هێرشەکانی تەحری شام لە 25-11-2024 دەستیپێکرد، دوای تێپەڕینی چەند رۆژێک، لە 08-12-2024 چەکدارەکان توانییان بگەنە دیمەشق. ئەمەش دوای ئەوەی حەلەب، حومس و حەمایان لە باکوور کۆنترۆڵکردبوو. هێرشی ئەو گرووپانە بووە هۆی ئەوەی ئەسەد لە سووریاوە بەرەو رووسیا رابکات.