بانگەوازێک لە ژنان و رێکخراوە کوردییەکانەوە ئاڕاستەی سەرۆکی ئەمریکا دەکرێت

SNN

ژمارەیەک لە ژنان و رێکخراوە کوردیەکان بانگەوازێک ئاڕاستەى سەرۆکى ئەمریکا و سکرتێرى گشتیى نەتەوەیەکگرتووەکان دەکەن، داوا دەکەن دان بە دۆخى خۆبەڕێوەبەریى باکوور و رۆژهەڵاتى سووریا بنرێت.

بەشێک لە ژنە سیاسى و پەرلەمانتار و توێژەر و ئەکادیمییەکانى باشوور، باکوور و رۆژئاواى کوردستان بانگەوازێک ئاڕاستەی سەرۆکی ئەمریکا و سکرتێری نەتەوە یەکگرتووەکان دەکەن و رایدەگەیەنن، نەتەوەی کورد کەمتر لە 50 ملیۆن کەسە و یەکێکە لە نەتەوە کۆنەکانی میزۆپۆتامیا، ئەو چوار دەوڵەتەى حکومڕانى کورد دەکەن ستەمێکى زۆریان لە دژى کورد بەکارهێناوە و وڵاتانى جیهانیش نەیانتوانیوە هاوکارى کورد بکەن.

رایدەگەیەنن، ئامانج لە هێرشەکانی سەر رۆژئاوای کوردستان هەموو کوردە و ئامانجیشیان ئەوەیە حکومەتی هەرێمی کوردستان دەستکەوت لە بەشی زۆری باشووری کوردستان بەدەستنەهێنێت، رەتکردنەوەی نەتەوەی کورد و بەها دیموکراسییەکان بە مانای رەتکردنەوەی شارستانییەتی هاوبەشی ئازادی و دیموکراسیی جیهانی رۆژهەڵات و رۆژئاوایە.

لە بەشێکی بانگەوازەکەدا هاتووە، “ئێمەی ژنان و رێکخراوە کوردەکان، داواکارین کە ئیدارەی خۆسەری باکوور و رۆژهەڵاتی سووریا بە فەرمی بناسرێت و ئاشتیی نێودەوڵەتی مسۆگەر بکرێت”.