“پارەی بەردەست زیاترە لە مووچەی دوو مانگ”

SNN

شارەزایەکی دارایی وبانک رایدەگەیەنێت، عێراق یەک ترلیۆن دینار دەنێرێت بۆ مووچە، دەڵێت “پارەی بەردەست زیاترە لە مووچەی دوو مانگ”.

گوڵاڵە سدیق، شارەزایی دارایی و بانک رایدەگەیەنێت، مووچەی مانگی 11 و 12 عێراق یەک ترلیۆن دینار دەنێرێت، پێشترین (763 + 630) ملیار دینار هاتووە، کە دەکاتە یەک تریلۆن و 393 ملیار دینار، 996 ملیار دینار مووچەی مانگی 10 لێدراوە 397 ملیار دینار ماوەتەوە.

سەبارەت بە داهاتی ناوخۆ ئاماژەی بەوەکردووە، داهاتی ناوخۆ بەپێی ئەوەی مانگانە 87  ملیار دینار کە دەکاتە نیوەی داهاتی ناوخۆ بۆ عێراق دەنێردرێت و نیوەی بۆ کوردستان دەمێنێتەوە، داهاتی ناوخۆی هەرێم پشکی کوردستان بۆ حەوت مانگی کۆتایی 2024 دەکاتە 609 ملیار دینار.

گوڵاڵە سدیق روونیکردووەتەوە، ( 1 تریلۆن + 397 مليار + 609 مليار ) = 2 تریلۆن و 6 ملیار دینار بەردەست دەبێت، مووچەی مانگی 11+12 تریلۆنێک و 992 ملیار دیناری پێویستە، دەڵێت “ئەمەش واتای وایە پارەی بەردەست زیاترە لە مووچەی دوو مانگ”.

ئەمە لە کاتێکدایە، رۆژێکی ماوە بۆ ساڵی نوێی و هێشتا حکومەتی هەرێم مووچەی دوو مانگی کۆتایی ساڵی دابەشنەکردووە، هاوکات وەزارەتیی دارایی بەغدا نیوەی مووچەی مانگی 11ی ناردووە و داوایکردووە کورتهێنانی مووچە لە داهاتی ناوخۆی هەرێم پڕبکرێتەوە، بەڵا حکومەتی هەرێم پێشووتر رایگەیاندبوو، داهاتیان نییە تاکو مووچەی پێدابەشبکەن.