نوری مالیكی: لە هیچ لایەكی قبوڵناكەین باس لە هەڵوەشاندنەوەی حەشدی شەعبی بكات

SNN-

نوری مالیكی، سەرۆكی ئیئتیلافی دەوڵەتی یاسا، لە دیدارێكدا لەگەڵ كەناڵی عێراقیە هەڕەشەی توند دەکات لەبارەی هەڵوەشاندنەوەی عەشدی شحەبی و دەڵێت:” لە هیچ لایەكی قبوڵناكەین باس لە هەڵوەشاندنەوەی حەشدی شەعبی بكات.

دەشڵێت:”ئەوەی لە سوریا رویدا كتوپڕ نەبوو بەڵكو پێشینەی هەبوو، دوای روخانی ئەسەد، قەوارەی زایۆنی بەرەو نزیكی دیمەشق رۆیشتووەو لوبنانیش گەمارۆدەدرێت، هەروەها دۆزی فەلەستیتن لاوازدەبێت و دوای كەوتنی ئەسەد ئوردون هەڕەشەی دەكەوێتە سەر، توركیا هەژمونی فروانتر دەكات و رەشەبای هەڕەشە دەگاتە میسرو ئیمارات و سعودیە”.

راشیگەیاندووە کە هەوڵی پارچەكردنی سوریا نادەین و دەستوەردان ناكەین لەكاروباری، حزبی بەعسی قەدەغەكراو لێزانە لەنانەوەوی ئاشوب و پیلانگێڕی، پێویستە لەلایەن كۆمەڵگەو دەزگا ئەمنیەكانەوە راوەدوبنرێن.

مالیکی دەشڵێت:”داوای ئاشتەوایی لەهەموان دەكەم،وئێمەو رەوتی سەدر لەیەك قوتابخانەین و پێوێستە پێكەوە هەنگاو بەرەو پرۆسەی بونیادنانی دەوڵەت بنێین، بەشداری رەوتی سەدر پێویستە بۆ پرۆسەی سیاسی و هیچ هێلێكی سورمان نیە لە هاوپەیمانێتیكردن، هەروەها هیچ هاوپەیمانێتیەك بوونی نیەو چوارچێوەی هامەهەنگیش تائێستا رێككەوتنی نەكردووە بۆ بەشداریكردن بە یەك لیست لە هەڵبژاردنی داهاتوودا.

لەبارەی هەڵوەشاندنەوەی عەشدی شەعبیش دەڵێت:” لە هیچ لایەنێكی قوڵناكەین باس لە هەڵوەشاندنەوەی حەشدی شەعبی بكات، بەتایبەت كە دامەزراوەیەكی فەرمییە پەیوەستە بە فەرماندەی گشتی هێزە چەكدارەكان و پێویست بە هیچ هەستیارییەك ناكات و پێویستە میكانێزمێك بدۆزرێتەوە بۆ رێكخستنی چەك و تەنها لەژێر دەستی ئیدارەی دەوڵەتدابێت.