قائیمقامیەتی سلێمانی: کێشەی کەمی غاز بوونی نییە
بتڵى غازى ماڵان | فۆتۆ: SNN
SNN-
قائیمقامیەتى سلێمانى رەتیدەکاتەوە کێشەى غازى ماڵان لە شارەکە بونى هەبێت و دەشڵێت:”هەر وەکیل و غازفرۆشێک قۆرغکارى بکات یاخود نرخ بەرز بکاتەوە سزا دەدرێت”.
لە راگەیەنراوێکدا قائیمقامیەتى سلێمانى هۆشدارى بە غازفرۆشەکان دەدات و دەڵێت: دوای گەیشتنی چەند سکاڵایەکی هاووڵاتییان لەسەر پێنەدانی غاز لەلایەن غازفرۆشەکان (وەکلیلەکان)ـەوە، لیژنەکان بەدواداچونیان کردوە دەرکەوتوە سەرباری هەبونی غاز وەکیلەکان غازی ماڵانیان بۆ هاوڵاتیان دابین نەکردوە.
دەشڵێت:”پێویستە هەرکاتێک هاووڵاتییان داوای غازی ماڵانیان کرد دەسبەجێ بۆیان دابین بکەن، بەپێچەوانەوە روبەڕوی سزای توند دەکرێنەوە”.
قائیمقامیەتی سلێمانی هاووڵاتییان دڵنیادەکاتەوە کە لە شاری سلێمانی کێشەی کەمی غازی ماڵان بونی نییە و ئەگەر حاڵەتى قۆرغکاریی یان بەرزکردنەوەى نرخەکان هەبو ئەوا لەڕێی (07708677777) ئاگاداریان بکەنەوە تا روبەڕوى رێکاری یاساییان بکەنەوە
