یەكێتی و پارتی سێیەم كۆبوونەوەی نێوانیان ئەنجام دەدەن و SNNتەوەری سەرەكی كۆبوونەوەكە ئاشكرا دەكات

SNN-عەلی حەمەسەعید

وابڕیارە ڕۆژی پێنجشەممە 9/1/2025 بۆ جاری سێیەم لیژنەی بالای دانوستانكاری یەكێتی و پارتی لە شاری هەولێر كۆببنەوە، هاوكات SNNناوی ئەندامانی هەردوو شاندەكە و تەوەرەی سەرەكی كۆبوونەوەكانیان دەخاتەڕوو.

بەگوێرەی زانیارییەكانی SNN ئەندامانی شاندی دانوستانكاری یەكێتی بۆ كۆبوونەوەی ڕۆژی پێنجشەممە بریتن لە هەریەكە لە د.ڕێواز فایەق و شاڵاو كۆسرەت ڕەسوڵ و ئامانج ڕەحیم و شێخ سەڵاح، هاوكات ئەندامانی شاندی پارتیش برتین لە هەریەكە لە پشتیوان سادق، دڵشاد شەهاب و ئومێد سەباح، هاوكات بڕیاربوو كۆبوونەوەكە سبەی سێ‌ شەممە بەڕێوەبچێت بەڵام بەهۆی تەواو نەبوونی ڕەشنوسی كۆبوونەوەی هەردوولا كۆبوونەوەكە بۆ ڕۆژی پێنج شەممە دواخرا.

ئاماژە بەوەشكراوە، لیژنەی هاوبەشی نێوان هەردوولا ڕەشنوسێكیان لەسەر شێوازی پێكهێنانی حكومەت و داواكاریەكانی یەكێتی و پارتی ئامادە كردووە و لە كۆبوونەوەكەدا گفتوگۆی لەسەردەكرێت.

هەر لە زانیارییەكانی SNN ئەوەشهاتووە كە كۆبوونەوەكەی ڕۆژی پێنج شەممە لە شاری هەولێر بەڕێوەدەچێت و تەوەری سەرەكی كۆبوونەوەكەش باسكردن دەبێت لە هەنگاوەكانی پێكهێنانی كابینەی دەیەمی حكومەتی هەرێم و خستنەڕووی داواكاری هەردوولا بۆ شێوازی حكومڕانی چوارساڵی داهاتوو.