لە چین بوومەلەرزەیەکی بەهێز روویدا و 36 کەس گیانیان لەدەستدا

SNN-

میدیای فەرمیی چین بڵاویکردەوە، بوومەلەرزەیەکی بەهێز کە لە ناوچەی تبت روویداوە، بەلایەنی کەمەوە 36 کەس گیانیان لەدەستداوە.

میدیای فەرمیی چین بڵاویکردەوە، بوومەلەرزەیەک بە گوڕی 6.8 پلەی رێختەر ناوچەی تبتی لە چیای هیمالایا لە باشووری رۆژئاوای چین هەژاند و تاوەکو ئێستا بەهۆی ئەو بوومەلەرزەیەوە 36 کەس گیانیان لەدەستداوە و 38 کەسی دیکە برینداربوون.

بەگوێرەی ناوەندی تۆڕەکانی بوومەلەرزەزانیی چین، کاتژمێر 4:05 خولەکی بەیانیی ئەمڕۆ بە کاتی هەولێر بوومەلەرزە بە گوڕی 6.8 پلەی رێختەر روویداوە، کە چەقەکەی لە ناوچەی دینگری بووە لە نزیک سنووری نیپال.

ناوەندی رووپێویی جیۆلۆجیی ئەمریکا گوڕی بوومەلەرزەکەی بە 7.1 پلە تۆمارکردووە.