محەمەد شیاع سوودانی بە سەردانێکی فەڕمی گەیشتە تاران

SNN

بەیانی ئەمڕۆ محەمەد شیاع سوودانی، سەرۆکوەزیرانی عێراق گەیشتە تاران و لەلایەن بەرپرسانی ئەو وڵاتەوە پێشوازی لێکرا.

ئەمڕۆ چوارشەممە 8ی کانوونی دووەم، سودانی بۆ تاوتێکردنی چەندین بابەتی پەیوەندیدار بە رێکەوتنی (ئەمنی،ئابووری) و پرسی ئاڵۆزییەکانی سوریا و گروپەچەکدارەکان لەگەڵ مەسعود پزیشکیان، سەرۆک کۆماری ئێران کۆببێتەوە.

هاوکات، رۆژی 31ی کانوونی یەکەمی 2024 ئیسماعیل بەقائی، وتەبێژی وەزارەتی دەرەوەی ئێران رایگەیاند، سەردانەکەی سەرۆکوەزیرانی عێراق “لە چوارچێوەی راوێژە بەردەوامەکانی نێوان ئێران و عێراقە بۆ فراوانکردنی پەیوەندییە دووقۆڵییەکان و گفتوگۆ سەبارەت بە پێشهاتەکانی ناوچەکە.”

لەلایەکی ترەوە، نوسینگەی سەرۆکوەزیرانی عێراق لە راگەیەنراوێکدا کە 5ی کانوونی دووەم بڵاویکردووەتەوە ئاشکرایکردووە،سوودانی لە سەردانەکەیدا پەیوەندییە دووقۆڵییەکانی نێوان هەردوو وڵات و چۆنێتیی بەهێزکردنیان تاوتوێ دەکات.