لیژنەی هاوبەشی پارتی و یەکێتیبۆ جاری سێیەم كۆدەبنەوە

SNN

بڕیارە ئەمڕۆ بۆ سێیەم رۆژ کۆبوونەوەی لیژنەی هاوبەشی یەکێتی و پارتی بۆ ئامادەکردنی رەشنووسێکی هاوبەش بۆ پێکهێنانی کابینەی دەیەمی حکومەتی هەرێمی کوردستان بەردەوام بێت.

بەگوێرەی زانیاریەکانی SNN، کۆبونەوەی لیژنە هاوبەشەکانی یەکێتی و پارتی بۆ ئامادەکردنی رەشنوسێکی هاوبەش بۆ پێکهنانی حکومەتی نوێ بەردەوامە، بڕیارە ئەمڕۆ پێنجشەممە، سەعات 10:00 بۆ سێیەم جار لیژنە هاوبەشەکەی هەردولا لە هەولێر کۆببێتەوە.

دەشڵێت، ئەنجامی کۆبوونەوەکانی دوو رۆژی رابردووی لیژنە هاوبەشەکەی پارتی و یەکێتی ئەرێنی بوون و بەرەوپێشچوونی باش هەبووە.

بەپێی زانیارییەکان چاوەڕوان دەکرێت هەفتەی داهاتوو شاندی دانوستانکاری هەردوولا کۆببێتەوە کە لە یەکێتی قوباد تاڵەبانی و لە پارتی هۆشیاری زێباری سەرۆکایەتی دەکات.