بەهۆی ئاگرەکەی کالیفۆرنیاوە 10 کەس گیانیان لەدەستدا و 180 هەزار کەسیش ئاوارەبوون

SNN-

ئاگرەکەی کاڵیفۆرنیای ئەمریکا تادێت فراوانتر دەبێت و تاوەکو ئێستا 10 کەس گیانیان لەدەستداوە و 180هەزار کەسیش گیانیان لەدەستداوە و بە یەکێک لە پێنج وێرانکەرترین ئاگرەکان لە مێژووی کاڵیفۆرنیا دادەنرێت.

میدیای ئەمریکییەکان ئاماژە بەوەدەکەن کە تاوەکو ئێستا بەهۆی ئاگرەکەوە 10 کەس گیانیا لەدەستداوە و نزیکەی 20 هەزار دۆنم زەوی و 10 هەزار خانوو و بینا و شوێنی گشتیش سووتاون و نزیکەی 180 هەزار کەس ئاوارە بوون و ماڵو حالی خۆیان جێهێشتووە، ئەوە جگە لەوەی بووەتە هۆی وەستاندن و دواخستنی گەشتەکان و نەمانی کارەبا لە بەشێک لە ناوچەکان.

هەروەها ئاگرەکە ماڵی کۆمەڵێک هونەرمەند و خەڵکی ناوداری ‌هۆڵیودی سووتاندووە و کۆمەڵێک یاری وەرزشی، کۆنسێرتی هونەرمەندان و بۆنە و ئاهەنگیشی وەستاندووە و دواخستووە، بەشێک لە هونەرمەندان لە پلاتفۆرمەکانی خۆیانەوە لە سۆشیاڵ میدیا هاوکاری و کۆمەکییان راگەیاندووە بۆ ئەو ناوچانەی زیانی زۆریان بەرکەوتووە.