نەخۆشخانەی هیوا: ساڵی رابردوو 3310 تووشبووی نوێی شێرپەنجە تۆمارکراون

نەخۆشخانەی هیوا: ساڵی رابردوو 3310 تووشبووی نوێی شێرپەنجە تۆمارکراون
SNN-

هۆبەی تۆماری شێرپەنجەی پارێزگای سلێمانی، ئاماری ساڵی 2024ی بڵاوکردەوە و رایگەیاند، سێ هەزار و 310 تووشبووی نوێی شێرپەنجە تۆمارکراون کە 201یان منداڵن.

بەپێی راپۆرتەکە، کە رۆژی سێشەممە، 14-1-2025 بڵاویکردووەتەوە، 6.10٪ی تووشبووانی شێرپەنجە منداڵن، 54.60٪یان لە رەگەزی نێر و 45.40٪یان لە رەگەزی مێ-ن.

دەشڵێت: “91.8٪ی تووشبووانی شێرپەنجە خەڵکی سنووری سلێمانین، 5.9٪یان خەڵکی شارەکانی دیکەی عێراق و 2.4٪یان خەڵکی شارەکانی دیکەی هەرێمی کوردستان بوون.”

هۆبەی تۆماری شێرپەنجەی سلێمانی، باوترین جۆرەکانی شێرپەنجەی دیاریکردووە کە ئەمانەن:

شێرپەنجەی مەمک 647 کەس، کە دەکاتە 19.5٪

شێرپەنجەی سییەکان 233 کەس، کە دەکاتە 7٪

شێرپەنجەی پرۆستات،174 کەس، کە دەکاتە 5.3٪

شێرپەنجەی کۆڵۆن، 166کەس، کە دەکاتە 5٪

شێرپەنجەی غودە، 158 کەس، کە دەکاتە 4.8٪

شێرپەنجەی مێشک، 138 کەس، کە دەکاتە 4.2٪

شێرپەنجەی میزڵدان، 120 کەس، کە دەکاتە 3.6٪

جۆرەکانی دیکەی شێرپەنجە، 1468 کەس، کە دەکاتە 44.4٪