سودانی بەرهەمی کێڵگەنەوتییەکانی کەرکوکی رادەستی کۆمپانیایەکی بەریتانی کرد

SNN-

عێراق و کۆمپانیای بریتش پێترۆلیۆمی بەریتانی یاداشتێکی بۆ زیادکردنی بەرهەمهێنانی نەوتی کەرکوک واژۆ کرد.

نوسینگەی راگەیاندنی محەمەد شیاع سودانی بڵاویکردەوە، سەرۆکوەزیرانی عێراق لە لەندەن یاداشتنامەیەکی لێکتێگەیشتنی لەگەڵ کۆمپانیای (بریتش پترۆلیۆم) واژۆکردوە سەبارەت بە هەڵسەنگاندن و گەشەپێدانی چوار کێڵگەی نەوتی کەرکوک و دەوروبەری.

ئاماژەی بەوەشکردوە، ئامانج لە واژۆکردنی یاداشتەکە کارکردنەلەسەر پرۆژەی نۆژەنکردنەوەی چوار کێڵگەی کۆمپانیای نەوتی باکور لە کەرکوک، بەمەبەستی زیادکردنی بەرهەمهێنان و گەشەسەندنی ئەو کێڵگانە لەپێناو بەرهەمهێنانی بڕێکی زیاتر لە نەوت و گاز. سودانی لە سەردانەکەیدا بۆ لەندەن، لەگەڵ نوێنەری 24 کۆمپانیای بەریتانی کۆبوەتەوە و داوای لێکردون هاوکار و هەماهەنگیان بۆ بەرەوپێشبردنی کەرتی نەوتی و بازرگانی و پیشەسازی لە عێراق.