بایدن لە کۆتا کاتژمێرەکانی سەرۆکایەتیدا بڕیارێکی دەرکرد
SNN
بایدن لە کۆتا کاتژمێرەکانی سەرۆکایەتییەکەدا ژمارەیەک بڕیاری لێبوردنی دەرکرد، کە لەناویاندا چالاکوانی رەشپێست مارکۆس گارفی هەبوو، کە لە ساڵی 1923 تاوانبارکرا و لە ساڵی 1940 کۆچی دواییکرد.
گارفی بە یەکەم ئەمریکی رەشپێست هەژماردەکرێت کە بزووتنەوەی جەماوەری دروستکرد، لە ساڵی 1923 بە تاوانی بەکارهێنانی پۆستە بەمەبەستی هەڵخەڵەتاندنی خەڵك سزای پێنج ساڵ زیندانیکردنی بەسەردا سەپێندرا.
دارین چامپرز، راڤی راگبیر و لیۆنارد سکوت بەشێکی دیکە بوون لەو کەسانەی کە بڕیاری لێخۆشبوونەکەی بایدن گرتنیەوە.
جۆ بایدن یەکێک-ە لەو سەرۆکانەی ئەمریکا کە زۆرترین بڕیاری لێبوردنی لە ماوەی دەسەڵاتەیەکدا دەرکردووە، ئەمەش رووبەڕووی رەخنەی زۆری کردووەتەوە.
