وادەی بەردەوامبوونی بەفروباران ڕاگەیەندرا
عەلی حەمەسەعید-SNN
شارەزایەکی بواری کەشناسی ئاشکرایدەکات کە ئەو شەپۆلی بەفروبارانەی هەرێمی کوردستان و ناوچەکەی گرتووەتەوە تا درەنگانێکی ئەمشەو بەردەوامی دەبێت و هاوکات سبەی کەش ئاسایی دەبێتەوە.
پشتیوان ئیبراهیم، شارەزای بواری کەشناسی بە SNNی ڕاگەیاند: ئەو باران و بەفرەی کە ناوچە جیاکانی هەرێمی گرتوەتەوە بەشێوەی بچڕ بچڕ تا درەنگانی ئەمشەو بەردەوام دەبێت و پاشان کۆتایی دێت.
ئاماژەی بەوەشکرد، سبەی سێشەممە کەش ئاسایی دەبێتەوە ئاسمان خۆر دەبێت هاوکات پلەکانی گەرماش بە پێی ناوچەکان گۆڕانکاری بەسەردا دێت بەجۆرێک لە ناوچە شاخاوییەکان بەرزترینی پێنج پلە و نزمترین هەشت پلە ژێر سفری سەدی دەبێت.
ئەو شارەزایەی بواری کەشناسی ئەوەشی خستەڕوو، پلەکانی گەرما لە شار و پێ دەشتەکان بەجۆرێک دەبێت کە بەرزترین پلە 13 پلە دەبێت و نزمترینیش سفر بۆ یەک پلە ژێر سفری سەدی دەبێت.
