یەکێتی و پارتی ئەمڕۆ کۆدەبنەوە
لۆگۆى یه‌كێتیی نیشتمانیی كوردستان و پارتى دیموكراتى كوردستان | فۆتۆ: SNN
SNN
ئەمڕۆ بۆ چوارەمجار هەردوو وەفدی یەکێتی نیشتیمانیی کوردستان و پارتی دیموکراتی کوردستان کاتژمێر 11 کۆدەبنەوە.
وەفدی یەکێتیی نیشتیمانیی کوردستان بە سەرۆکایەتی رێواز فایەق و هەریەک لە شاڵاو شێخ سەلاح و ئامانج رەحیمە، لەگەڵ پارتی دیموکراتی کوردستان بۆ درێژدان بە کۆبوونەوەکانی رابردوو جارێکی دیکە لە شاری هەولێر کۆدەبنەوە، ناوەرۆکی کۆبوونەوەکەی هەردوو لایەن لەسەر چۆنیەتیی پێکهێنانی کابینەی دەیەمی حکومەتی هەرێمی کوردستانە.
لەهەمان کاتدا وەفدی پارتی سەرۆکایەتیی پشتیوان سادق و ئەندامێتیی دڵشاد شەهاب و ئومێد سەباحە.
