یەکشەممەی داهاتوو چارەنووسی مووچەی فەرمانبەران یەکلادەکرێتەوە

SNN-

بەگوێرەی راگەیەندراوی وەزارەتی دارایی هەرێم: بڕیارە یەکشەممەی داهاتوو پرسی مووچە یەکلابکرێتەوە و بڕیار بدرێت لەبارەی ماف و شایستە داراییەکانی هەرێمی کوردستان و ئاڕاستەکردنی راسپاردەی پێویست بۆ ئەنجومەنی وەزیرانی عێراق.

وەزارەتی دارایی هەرێم شەوی رابردوو لە راگەیەندراوێکدا بڵاویکردەوە،لە  ئەمڕۆوە سێشەممە ، تیمێکی هاوبەش لە هەردوو وەزارەتی دارایی فیدراڵ و وەزارەتی دارایی هەرێم پێکهێندرا و تیمەکە لە وەزارەتی دارایی هەرێمی کوردستان دەستبەکار بن و ئامادەکاریی پێویست دەکەن بۆ کۆبوونەوەی سەرەتای هەفتەی داهاتوو لەسەر ئەرک و پابەندییەکانی هەردوولا بۆ ساڵی 2025.

وەزارەتی دارایی دەشڵێت: لە کەشێکی ئیجابی و بەرپرسیارانەدا گفتوگۆ لەسەر ماف و شایستە داراییەکانی هەرێمی کوردستان بۆ ساڵی 2025 کراو و هەردوولا هاوڕابوون کە هەموو هەوڵەکان بخرێنەگەڕ بۆ لابردنی ئاستەنگەکانی بەردەم ناردنی مووچەی فەرمانبەرانی هەرێم لەم ساڵدا، هاوکات داواکاریەکانی حکومەتی هەرێم بۆ ناردنی ئەو شایستانەی کەساڵی ڕابردوو نەنێردراوە بەداتا و بەڵگەی فەرمی خرایەڕوو گفتوگۆی لەبارەوە کرا .

ئەوە لە کاتێکدایە 21 رۆژ بەسەر مانگی یەکی ساڵی 2025 تێپەڕیوە تاوەکو ئێستا مووچەخۆرانی هەرێمی کوردستان مووچەی مانگی 11ی ساڵی رابردوویان وەرنەگرتووە.