کاتژمێر 8ی بەیانی ئەمڕۆ دووەم کۆبوونەوەی شاندی هەرێم و بەغدا ئەنجامدرا

SNN

کاتژمێر 08:00ـی بەیانیی ئەمڕۆ شەممە، 1ی شوبات، کۆبوونەوەی دووەمی شاندی حکومەتی هەرێمی کوردستان و عێراق لەبارەی پرسی مووچەی فەرمانبەرانی هەرێم و هەمواری یاسای بودجەی گشتیی فیدراڵی؛ لە بەغدا دەستی پێ کرد.

بە گوێرەی زانیارییەکان لە کۆبوونەوەی ئەمڕۆدا، گفتوگۆ لەبارەی لیستی مووچەی فەرمانبەرانی هەرێمی کوردستان، بەتایبەت ئەو فەرمانبەرانەی خانەنشین دەکرێن؛ دەکرێت.

ئەو فەرمانبەرانەی خانەنشین دەکرێن تا ئەو کاتەی مامەڵەی خەنەنشینیان تەواو دەبێت، مووچەیان پێنادرێت؛ بەڵام لە 01-01-2025ـەوە مووچەی خانەنشینیان بۆ هەژمار دەکرێت. هاوکات بەهۆی ئەوەی ژمارەیەک زۆری فەرمانبەران خانەنشین دەکرێن؛ 40 تا 50 ملیار دینار بەشە بودجەی هەرێمی کوردستان کەم دەبێتەوە.