WASHINGTON, DC - FEBRUARY 11: Jordan's King Abdullah II bin Al-Hussein speaks during a meeting with U.S. President Donald Trump in the Oval Office of the White House on February 11, 2025 in Washington, DC. The meeting with King Abdullah comes as Trump has proposed that the United States take an ownership position of Gaza, transferring millions of Palestinians to neighboring countries as the area is rebuilt and developed. Andrew Harnik/Getty Images/AFP (Photo by Andrew Harnik / GETTY IMAGES NORTH AMERICA / Getty Images via AFP)
SNN-
سەرۆکی ئەمریکا دەڵێت، خەڵکی غەززە بۆ جێیەکی سەلامەت و خۆشگوزەران دەنێرن و لەو وێرانەیە رزگاریان دەکەن، دەشڵێت، ئێمە غەززە ناکڕین، بەڵکو بەباشیی بەڕێوەیدەبەین.
ئەمڕۆ دۆناڵد ترەمپ، سەرۆکی ئەمریکا لە کۆشکی سپی لە واشنتن پێشوازی کرد لە شا عەبدوڵا، شای دووەمی ئوردن و شازادە حسەینی کوڕی
هاوکات لە کۆنگرەیەکی رۆژنامەوانیدا ترەمپ، لەسەر جێبەجێکردنی پرۆژەکەی بۆ گواستنەوەی فەڵەستینییەکان بۆ ئوردن و میسر وتی،” ئەوان بۆ جێیەکی سەلامەت و خۆشگوزەران دەنێرن و لەو وێرانەیەی غەززە رزگاریان دەکەن، ئێمە غەززە ناکڕین، بەڵام ئیدارەیەکی باشی ئەو ناوچەیە دەدەین و سەقامگیریی بۆ دەگێڕینەوە”.
ئاماژەی بەوەشکردووە، چەندین وڵاتی دیکەی ناوچەکە و جیهان هاوکارییان دەکەن بۆ جێبەجێکردنی ئەو پرۆژەیە و رەتیشیکردەوە، هەڕەشەی لە میسڕ و ئوردن کردبێت بۆ جێبەجێکردنی پرۆژەکەی، ترەمپ پێشبینییش ناکات حەماس پابەندبێت بەو وادەیەی دایناوە بۆ ئازادکردنی بارمتەکان کە کاتژمێر 12ی رۆژی هەینییە.
هاواکت شا عەبدوڵا، شای ئوردن رایگەیاند، دوو هەزار منداڵی نەخۆشی فەڵەستینی لەخۆدەگرن کە بەهۆی جەنگەوە گرفتار بوون، میسڕ پلانێک بۆ چۆنییەتی مامەڵەکردن لەگەڵ پرۆژەکەی ئەمریکا پێشکەشدەکات.
باسی لەوەشکرد، سەردانی سعودیە دەکات بۆ تاوتوێکردنی ئەوەی وڵاتانی عەرەبی چۆن مامەڵە لەگەڵ پرۆژەکەی ترەمپ و ئەمریکا بکەن، دەبێت میسڕییەکان خۆیان سەردانی واشنتن بکەن و روونیبکەنەوە چۆن دەیانەوێت مامەڵە لەگەڵ پێشنیازەکەی ترەمپ بکەن.
