وەزارەتی دارایی هەرێم: داواکانی تەیف سامی دروستن و جێبەجێی دەکەین

SNN-

وتەبێژی وەزارەتی دارایی و ئابووریی هەرێمی کوردستان ئاشکرایکردووە، نووسراوەکەی وزارەتی دارایی عێراق لەسەر خەمڵاندنەکانی مووچە، خانەنشینی، چاودێریی کۆمەڵایەتی و گرێبەستەکانی هەرێمی کوردستان بۆ ساڵی 2025 دروستە و داواکان جێبەجێ دەکەن.

دوای ئەوەی شەوی ڕابردوو لە میدیاکان بڵاو بووەوە، کە لەگەڵ مووچەی مانگی یەکدا نوسراوێک ئاڕاستەی وەزارەتی دارایی هەرێم کراوە سەبارەت بە خەمڵاندنەکانی مووچە، خانەنشینی، چاودێریی کۆمەڵایەتی و گرێبەستەکانی هەرێمی کوردستان بۆ ساڵی 2025،  هونەر جەمال، وتەبێژی وەزارەتی دارایی هەرێمی کوردستان لە لێدوانێکی ڕۆژنامەوانیدا ڕایگەیاندووە، دارایی هەرێم نوسراوەکە پشتڕاست دەکاتەوە.

ئەو نوسراوەی کە بڵاوبوەتەوە، واژۆی تەیف سامی، وەزیری دارایی عێراقی لەسەرە کە  لە رۆژی 03-02-2025 دەرچووە، هاوکات نوسراوەکەش ئاڕاستەی نوێنەرایەتیی حکومەتی هەرێمی کوردستان کراوە.

لە نوسراوەکەدا هاتووە کە نووسینگەی سەرۆک وەزیرانی عێراق بە ژمارە (2581254) لە 02-02-2025، تەیف سامی سێ داواکاری هەیە لە هەرێمی کوردستان.

داواکارییەکانیش بریتین لە پێدانی نووسراوی پارەدارکردنی مووچەی مانگی کانوونی دووەمی 2025ـی فەرمانبەرانی هەرێمی کوردستان، تەواوکردنی ناردنی داتای تایبەت بە بەجێبەجێکردنی “تەوتین”ی فەرمانبەران، بەپێی بڕیاری دادگەی باڵای فیدراڵی، ناردنی داهاتی نانەوتی مانگی کانوونی دووەمی 2025 بۆ سەر ئەو هەژمارەی کردوویانەتەوە لە بانکی ناوەندیی عێراق بە ژمارە  (.70018