تەندروستی هەڵەبجە: دەوام لە نەخۆشخانەکان ئاسایی بووەتەوە

SNN-عەلی حەمە سەعید
ئەمڕۆ بەڕێوەبەری گشتی تەندروستی هەڵەبجە رایگەیاند: دەوامی ئاسایی لە سەرجەم نەخۆشخانە و مەڵبەندە تەندوستییەكان دەستپێكردوەتەوە ئەو پزیشكانەشی نەگەڕاونەتەوە سەر كارەكانیان ڕووبەڕووی ڕێكاری یاسایی دەكرێنەوە.

د. ئازاد مستەفا، بەڕێوەبەری گشتی تەندروستی هەڵەبجە بە SNNی ڕاگەیاند: سەرجەم دانیشتوانی هەڵەبجە ئاگادار دەكاتەوە كە لە ئێستادا لە سەرجەم نەخۆشخانەكانی پارێزگای ھەڵەبجە دەوام ئاساییە و پزیشكانی نیشتەجێی خولاو و پزیشكانی پلە بەند لە مەڵبەندە ٢٤ كاتژمێریەكان و پزیشكانی نیشتەجێی دێرین و ژمارەیەكی بەرچاوی پزیشكە پسپۆڕەكان لە پسپۆرە جیاجیاكان، سەرجەمیان سەرەڕای نەبوونی مووچە و قەیران و ڕووبەڕوو بوونەوەی كۆرۆنا، بە هەست كردن بە لێپرسراوەتی گەڕاونەتەوە سەر كارەكانیان.

ئاماژەی بەوەشكرد، لە ئێستادا دەوامی نەخۆشخانەكان ئاسایی بووەتەوە و هەر ئەمڕۆش چەند نەشتەرگەرییەك بۆ نەخۆشانی سنورەكە ئەنجامدراون، ئەوەش جێگای دەستخۆشییە كە لەم كاتە پڕ قەیران و بێ مووچەیی و نەخۆشی كۆرۆنادا هاوڵاتیان وهاوشاریانی خۆیان بێ خزمەتگوزاریی تەندرووستی ناكەن.

بەڕێوەبەری گشتی تەندروستی هەڵەبجە جەختی لەوەشكردەوە، هەر پزیشك و كارمەندێك نەگەڕێتەوە سەركارەكەی ناوی تۆمار دەكرێت و بە نەهاتوو( غیاب ) ئەژمار دەكرێت و ڕەوانەی وەزارەتی تەندروستی دەكرێت بۆ ئەوەی ڕێكاری یاساییان بەرامبەر بگیرێتە بەر.

بەهۆی دواکەوتنی مووچەکانیانەوە، نزیكەی مانگێك نوو ژمارەیەك لە پزیشكان و كارمەندانی تەندروستی دەستیان بە مانگرتن كردبوو و چارەسەری نەخۆشیان راگرتبوو،