پلانی گواستنەوەی 250 هەزار فەلەستینی بۆ عێراق ئاشکرا دەکرێت

SNN

لە راپۆرتێکی ماڵپەڕی، مەکتەبی هاوکارییەکانی دەرەوەی ئەمریکا ئاماژە بەوەکراوە، لە ماوەی داهاتوودا دەست بە گوستنەوەی هاووڵاتیانی فەلەستینی دەکرێت، بەسەر وڵاتانی دراوسێدا بەپێی رێژەی دانیشتوان و ئاستی ئابووری وڵاتەکەی کە فەلەستینییەکان وەردەگرێت.

هەر لە راپۆرتەکەدا هاتووە، لەبەرامبەر وەرگرتنی هەر هاووڵاتیانیی فەلەستینی لەلایەن وڵاتی دووەمەوە، ئەمریکا هەڵدەستێت بە هاوکاریکردنی ئەو وڵاتەی کە فەلەستینییەکان وەردەگرێت، هەر لە راپۆرتەکەی، مەکتەبی هاوکارییەکانی دەرەوەی ئەمریکا هاتووە، هاووڵاتیانی فەلەستینی بەسەر وڵاتانی تورکیا، میسر، ئوردن، عێراق دابەشدەکرێت.

وڵاتی میسر لەبەرامبەر وەرگرتنی یەک ملیۆن ئاوارەی فەلەستینی 1.3 ملیار دۆلاری ساڵانە وەک هاووکاری لە ئەمریکا وەردەگرێت، هەروەها وڵاتی تورکیا لە بەرامبەر وەرگرتنی نیو ملیۆن ئاوارەدا، 150 ملیۆن دۆلاری ساڵانە وەردەگرێت و وڵاتی عێراق لە بەرامبەر وەرگرتنی 250 هەزار ئاوارەی فەلەستینی ساڵانە، ملیارێک دۆلار وەردەگرێت.

ماڵپەڕەکە ئەوەشی نەشاردووەتەوە کە پلانی چۆڵکردنی فەلەستین لە خەڵکەکەی دەگەرێتەوە بۆ ساڵی 2017، بەڵام بەهۆی بەردەوام نەبوونی ویلایەتی ترەمپ لەو کاتەدا نەتواندرا هاووڵاتیانی فەلەستینی بەسەر ئەو وڵاتانەدا دابەشبکرێت، بەڵام لەکاتی ئێستادا بەهۆی دەرچوونی ترەمپ دووبارە بە سەرۆکی ئەمریکا، گواستنەوەت هاووڵاتیانی فەلەستینی دەبێتە راستی.