سودانی پەیامێک لەبارەی کێشەی جوتیارانی کەرکوکەوە رادەگەیەنێت
SNN
محەمەد شیاع سودانی سەرۆکوەزیرانی عێراق لەبارەی کێشەی جوتیارانی کورد لە کەرکوک پەیامێک و چەند رێنوێنییەک ئاراستەی لایەنەکان دەکات.
سودانی لە پەیامەکەیدا کە ئاراستەی فەرماندەی هاوبەشی هێزە عێراقییەکان دەکات لە کەرکوک، کە لیژنەیەکی لێکۆلێنەوەی هاوبەش پێکبهێندرێت کە نوێنەرایەتی هەموو لایەنەکان بکات، بەدواداچوون بۆ ئەو رووداوە بکات کە لە سنوورەکانی کەرکوک روویداوە و رێگربوون لە ژمارەیەک جوتیار تا کارەکانی خۆیان ئەنجام بدەن.
سودانی لە پەیامەکەیدا روونیشی دەکاتەوە، کە بریکاری وەزارەتی داد-ی عێراق ڕەوانەی پارێزگای کەرکوک بکرێت بۆ گرتنەبەری ڕێوشوێنی پێویست سەبارەت بەو زەویانەی بەرژەوەندی هاوبەشی نێوان هەرێمە فیدراڵییەکان و هەرێمی کوردستانە”.
هەر لە درێژەی پەیامەکەدا سودانی داوا لە هێزە ئەمنییەکانمان دەکات، کە بریتین لە سوپا، ناوخۆ، پێشمەرگە، هێزەکانی بەرگری شارستانی، دەزگا ئەمنییەکان و هەواڵگری، پابەندی یاسا و ڕێنماییەکان بن، ژیرانە و نیشتمانپەروەرانە مامەڵە بکەن، هەروەها دەرفەتی ئەو کەسانە پووچەڵ بکەنەوە کە لە چاوەڕوانیدان و لە ئاوە پڕ لە کێشەکاندا ماسی دەگرن. هەروەها داوا لە هەموو لایەنەکان و هێزە سیاسییەکان دەکەین کە ژیر و ئارام بن، ئەولەویەت بدەن، بەرژەوەندییە باڵا نیشتیمانییەکان، پابەندبوون بە یاسا و دەستوور، و کاردەکەن بۆ پشتگیریکردنی هێزە ئەمنییەکان لە پاراستنی هەموو دەستکەوتە ئەمنییەکان و ئامانجە نیشتمانییە هاوبەشەکان.
