لە بارەی مووچەوە دڵنیای دەدرێت

وەزارەتی دارایی عێراق رایگەیاند، پابەندن بە دابەشکردنی مووچەی فەرمانبەران و خانەنشینان و تۆڕی پاراستنی کۆمەڵایەتی لە وادەی خۆیدا و بەپێی ئەو خشتەیەی دیاریکراوە بەبێ دواکەوتن یان کەمکردنەوەی بڕی مووچە.

ئەمڕۆ چوارشەممە، عەتوان عەتوانی سەرۆکی لیژنەی دارایی پەرلەمانی عێراق رایگەیاند، “مووچە بەتەواوی مسۆگەرە، هیچ ڕاستییەکیش لەو دەنگۆیانەدا نییە کە باس لە بێتوانایی حکومەت دەکەن لە پێدانی مووچە”.

وتیشی، هیچ کورتهێنانێک کاریگەریی لەسەر مووچە نابێت، کاردەکەن بۆ ئارامیی سیاسیی و دارایی و دابینکردنی سەرجەم شایستەکان بەپێی ئەو پلانەی لەبەردەستدایە.

هاوکات، جەمال کۆچەر، ئەندامی لیژنەی دارایی جەختیکردەوە، مووچە پارێزراوە و پێویست بە ترس ناکات.