ئەنجومەنى وەزیران پرسى هەناردەکردنەوەى نەوتى هەرێم تاوتوێ دەکات

SNN-

ئەنجومەنی وەزیران، کۆدەبێتەوە و سێ تەوەر تاوتوێ دەکات، یەکێکیش لە تەوەرەکان پرسى هەناردەکردنەوەى نەوت دەبێت، بە ئامادەبونى شاندێکى وەزارەتى نەوتى عێراق.

ئەمڕۆ چوارشەممە، ئەنجومەنى وەزیرانى هەرێم کۆبونەوەى ئاسایی خۆى دەکات و گفتوگۆى سێ تەوەر دەکات کە یەکێکیان، ئامادەکارییەکانە بۆ دەسپیکردنەوەی هەناردەکردنەوەی نەوتی هەرێمی کوردستان لەڕێگەی بەندەری جەیهانەوە، بۆ گفتوگۆی ئەم تەوەرەش شاندیکی وەزارەتی نەوتی عێراقی بەشداری کۆبونەوەکە دەکەن و باس لە وردەکارییەکانی دەکەن.

یەکێکی دیکەی تەوەرەکان، بەشداریی شاندی حکومەتی هەرێمی کوردستانە لە لوتکەی جیهانیی حکومەتەکان لە دوبەی.

هاەروەها، رێکارەکانی یەکخستنی کوالێتیی کۆنترۆڵ لە نێوان هەردوو حکومەت هەرێمی کوردستان و عێراق تاوتوێ دەکرێت.