SNN-
ديميتری پيسکۆڤ، وتەبێژی کۆشکی سەرۆکايەتیی رووسيا رايگەياند، ڤیلادیمير پوتن، سەرۆکی رووسیا جەختیکردووەتەوە، ئەگەر پێویست بکات، ئامادە دەبێت بۆ دانوستاندن لەگەڵ سەرۆکی ئۆکرانیا.
ڤیلادیمير پوتن وتیشی، “بە لەبەرچاوگرتنی ئەو راستييەشی، کە پرسيار لەسەر ياسايیبوونی پۆستەکەی زێلێنسکی هەيە، بەڵام رێککەوتنی ياسایی پێویستی بە گفتوگۆی جددی هەیە”.
پيسکۆڤ ئەماژەی بوەشکردووە، “مافی هەر وڵاتێکە پەيوەندی بە يەکێتیی ئەوروپاوە بکات، بێگومان کەس ناتوانێت دەستوەردان بکات و ئێمەش نايکەين”، ئەمەش لەدوای بە ئەندامبوونی ئۆکرانيا لە يەکێتیی ئەوروپا هات.
وتەبێژی کریملن ئەوەشی راگەیاند، “ئەوان هەڵوێستێکی تەواو جیاوازیان هەیە لەسەر پرسەکانی پەیوەست بە ئاسایش، پەیوەست بە هاوپەیمانیی بەرگری یاخود سەربازی”.
ئەمەش لەکاتێکدایە، بەرپرسانی باڵای رووسیا و ئەمریکا رۆژی سێشەممە لە سعودیە کۆبوونەوە سەبارەت بە باشترکردنی پەیوەندییەکان و دانوستان بۆ کۆتاییهێنان بە شەڕی ئۆکرانیا.
