بۆدەستپێكردنەوەی هەناردەكردنەوەی نەوت ئەمڕۆ شاندێكی وەزارەتی نەوتی عێراق دێنە هەولێر

SNN-عەلی حەمەسەعید

بەمەبەستی دووبارە دەستپێكردنەوەی هەناردەكردنی نەوتی هەرێم بۆ بازاڕەكانی جیهان، ئەمڕۆ شاندێك لەوەزارەتی نەوتی عێراقەوە دێنە هەرێمی كوردستان و ئەركی شاندەكەش بۆ ڕێككەوتنە لەسەر میكانیزمی وەرگرتنی نەوتی هەرێم و هەناردەكردنەوەی بۆ بازاڕی جیهانی.

بەگوێرەی زانیارییەكانی SNNئەمڕۆ چوارشەممە لەسەر فەرمانی وەزیری نەوتی عێراق شاندێك لە وەزارەتی نەوتی عێۆاقەوە دێنە هەولێر، ئەوەش بەمەبەستی دووبارە دەستپێكردنەوەی هەناردەی نەوتی هەرێمی كوردستان بۆ بازاڕەكانی جیهان.

ئاماژەبەوەشكراوە، شاندەكەی ئەمڕۆ ئەمڕۆ بە سەرۆكایەتی بریكاری كاروباری دەرهێنانی نەوت دەبێت و هاوكات نوێنەری فەرمانگەی یاسایی و ئابووری وەزارەت و هەروەها نوێنەری كۆمپانیای سۆمۆ لە شاندەكەی عێراق دەبن.

هەر لە زانیارییەكانی SNNئەوەشهاتووە كە ئامانجی سەرەكی سەردانی شاندەكە بۆ هەولێر بۆدانوستانە لەسەر میكانیزمی وەرگرتنی نەوتی هەرێمی كوردستان، چونكە رێكارە یاساییەكان تەواوبون و هیچ كێشەیەك نەماوە، تەنها ئامادەبونی لایەنی توركیا ماوە، ئەوەش لەدوای ئەوەی لە پەرلەمانی عێراق هەمواری پرۆژەیاسای بودجە پەسەندكرا.