سەرۆکی ئیمارات رەتی دەکاتەوە ئاوارەی فەلەستینی وەربگرێت

SNN

دوای ئەوەی سەرۆکی ئەمریکا دۆناڵد ترەمپ، پێشنیازی چۆڵکردنی فەلەستینی، و دابەشکردنی هاووڵاتیانی بەسەر وڵاتانی میسر و ئوردن و عێراق و ئیمارات-دا کرد، سەرۆکی ئیمارات هەڵوێستی خۆی لەبارەی گواستنەوەی ئاوارە فەلەستینییەکان بۆ ئیمارات راگەیاند.

شێخ محەمەد بن زاید ئالنهیان، سەرۆی ئیمارات بە مارکۆ رۆبیۆ، وەزیری دەرەوەی ئەمریکای راگەیاند، کە وڵاتی ئیمارات بە هیچ جۆرێک ئاوارەکانی فەلەستین وەرناگرێت، بەڵکو وڵاتی ئیمارات لەگەڵ ئەوەدایە، کە دووبارە کەرتی غەززە بۆ دانیشتوانەکەنی نۆژەن بکرێتەوە. نەک هاووڵاتیانی وڵاتەکە بگوازرێنەوە بۆ وڵاتانی دیکە.

شێخ محەمەد ئەوەشی روونکردنەوە، کە پێوسیتە بە زووترین کات ناکۆکی گرژییەکانه نێوان حەماس و سوپای ئیسڕائیل کۆتایی پێبهێندرێت، وڵاتانی دراوسێی فەلەستینیش هاوکاربن بۆ دووبارە نۆژەنکردنەوەی کەرتی غەززە.