“بەفربارین بەردەوامی دەبێت”

SNN

ئەمڕۆ هەینی کەشناسیى عێراق لە نوێترین پێشبینیدا لەبارەی ئەو شەپۆلە سەرمایەی کە رووی لە عێراق بە شێوەیەکی گشتی و هەرێمی کوردستان بە تایبەتی رایگەیاند: سبەى نزمترین پلەى گەرما لە هەولێر و سلێمانى 1 پلە و لە دهۆک سفر پلەى سەدى دەبێت، لەگەڵ ئەوەشدا سبەی لە ناوچە شاخاوییەکان بەفربارین بەردەوام دەبێت.

بەپێی پێشبینی ماڵپەڕە جیهانییەکانیش، لە رۆژی یەکشەممە و دووشەممە و سێشەممەی ئەم هەفەتەیە نزمترین پلەکانی گەرما لە هەرێمی کوردستان تۆمار دەکرێت بە جۆرێک لە سەنتەری شاری سلێمانی نزمترین پلەی گەرما دەبێتە 7 پلە لەژێر سفرەوە.