ئەپیکۆر لەبارەی دەستپێکردنەوەی هەناردەی نەوتی هەرێم راگەیەنراوێکی بڵاوکردەوە

SNN-

ئەپیکۆر لەبارەی دەستپێکردنەوەی هەناردەی نەوتی هەرێم راگەیەنراوێکی بڵاوکردەوە و رایگەیاند, ئامادەن لەرێی بەندەر عێراق- تورکیا هەناردەی نەوت دەستپێبکەینەوە.

لە راگەیەنراوەکەی کۆمەڵەی پێشەسازی نەوت لە کوردستان “ئەپیکور” ئەوەش هاتووە, کۆمپانیاکانی ئەندامی ئەپیکۆر ئامادەن لەرێی بەندەر عێراق-تورکیا هەناردەی نەوت دەستپێبکەنەوە، بەتایبەت دوای ئەوەی گەیشتنە رێککەوتن و پاڵپشتی کرا لەو گرێبەستانەی بازرگانی و ئابوریانەی هەبوون لەگەڵ ئەو کۆمپانیاکان لە ئەپیکور.

دەشڵێن: “هەوڵدەدەین رێکەوتنەکەی نێوان حکومەتی عیراق و هەرێمی کوردستان بکرێت بە نوسراو کە تێیدا شەفافیەت هەبێت لە شێوازی پارەدان دوور لە دەستێوەردانی سیاسی، کۆمپانیاکانی ئەپیکور لەگەڵ سەرجەم خاوەن پشکەکاندا کاردەکەن تائەوەی بریارێک بدرێت کە لەبەرژەوەندی هەردوولا بێت”.

ئاماژەیان بەوەشکردووە، ئەوان هاوران لەگەڵ لێدوانی سەرۆک وەزیرانی عیراق کە دەڵێت، “خێراکردن لە دەستپێکردنەوە بە هەناردەکردنەوەی نەوت لەرێی بەندەری جەیهان ئابوری عێراق بەهێز دەکات و لەئاست داخوازی هاوڵاتیانیشدا دەبێت”.