مەزڵوم عەبدی: سووریا بەبێ چارەسەرکردنی پرسی کورد ئارامی نادۆزێتەوە

SNN-

مەزڵوم عەبدی، فەرماندەی هێزەکانی سووریای دیموکرات”هەسەدە”، رایگەیناد، سووریا بەبێ چارەسەرکردنی پرسی کورد ئارامی نادۆزێتەوە، داوای دامەزراندنی دەسەڵاتێکی لامەرکەزی لە سووریا و دانپێدانانی مافە نەتەوەیی و کولتووری و سیاسییەکانی نەتەوەی کورد لە دەستووری نوێی سووریادا دەكەین.

مەزڵوم عەبدی باسی لەوەشکرد، لایەنی کوردی هەوڵدەدات بەشێک بێت لە حکومەتی نوێی دیمەشق، هەماهەنگی ئەمنی لە نێوان ئێمە و دەسەڵاتی نوێی دیمەشقدا هەیە بۆ ئەوەی ململانێ لە نێوانیاندا دروست نەبێت.

ئاماژەی بەوەشکرد، “هێزەکانمان لەگەڵ تورکیا لە حاڵەتی شەڕدان و داوای ئاگربەستی نێوان هەردوولا دەكەین، کە تورکیا ڕەتیدەکاتەوە”.

فەرماندەی هێزەکانی سووریای دیموکرات وتیشی، لە ناوچەی مەنبەج ئاگربەستێکی کاتی لە ڕێگەی نێوەندگیری ئەمریکاوە ئەنجامدراوە، بەڵام ئەو گروپە چەکدارانەی کە تورکیا پاڵپشتی دەکرێن، پێشێلکارییان کردووە.