هاتوچۆی سلێمانی: لەمەودوا کار بە پێناس و ڕەگەزنامەی باری شارستانی ناکەین
SNN-
بەڕێوبەرایەتی گشتی هاتوچۆی سلێمانی هاوڵاتیان و شۆفێران ئاگادار دەكاتەوە، بۆ هەر جۆرە مامەڵەیەك لەبەڕێوەبەراتییەكە، لەمەوداو كار بە پێناس و رگەزنامەی باری شارستانی ناكەن.
ئەمڕۆ دووشەممە، بەڕێوەبەرایەتی گشتی هاتوچۆی سلێمانی لەراگەیەندراوێكدا بڵاویکردەوە: ” لەمەودوا پێناس و ڕەگەزنامەی باری شارستانی كاری پێ ناكرێت لە هیچ جۆرە مامەڵەیەك لە بەڕێوەبەرایەتیمان تەنها كار بە (كارتی نیشتیمانی ) دەكرێت”.
ئاماژە بەوەشكراوە: ” ئەو هاوڵاتیانەی مامەڵەی كارتی نیشتیمانییەكانیان تەواو نەبووە كار بە (صورە قیدی ئەلكترۆنی دەكرێت ) هیوادارین هاوڵاتیان پێوەی پابەند بن چونكە چیتر كار بەو دوو بەڵگەنامەیە ناكرێت بۆ هیچ مامەڵەیەكی نێو بەڕێوەبەرایەتیمان.
