ناوەڕاستی هەفتەی داهاتوو بەغدا تەمویلی مووچەی مانگی دوو دەنێرێت

SNN

پاش ئەوەى وەزارەتى دارایى و ئابوورى حکومەتى هەرێمى کوردستان لیستى مووچەى مانگى شوباتى بە (سیستمى پەیڕۆڵ) رەوانەى بەغداد کرد، وابڕیارە سەرەتای هەفتەی داهاتوو بەغدا پارەکە بنێرێت.

سەرچاوەیەک لە وەزارەتى دارایى عێراق، بە کەناڵ 8ی راگەیاند،”لیژنەى تەکنیکیی وەزارەتى دارایى هەرێمى کوردستان لیستى مووچەى مانگى شوباتیان گەیاندووەتە بەغداد، کە بە سیستمى پەیڕۆڵ ئامادە کراوە”.

ئاماژەی بەوەکردووە، “لەگەڵ لیستى مووچەى مانگى شوبات، لیژنە تەکنیکییەکە ناوى ئەوانەى مووچەکانیان بەبانکى کراون و ئەوانەشى کە هێشتا مووچەکانیان بە بانکى نەکراون و وردەکارى تەواو لە راپۆرتێکدا رادەستى دارایى عێراق کرا”.

ئەوەشى روونکردەوە، پاش وردبینیی ناوەڕاستى هەفتەى داهاتوو وەزارەتى دارایى عێراق تەرخانى دارایى بۆ مووچەى مانگى شوباتى 2025 رەوانەى هەرێمى کوردستان دەکات، کە بڕەکەى زیاتر لە 950 ملیار دینارە.