كۆبوونه‌وه‌یه‌كی چاره‌نووسساز لەبارەی نەوتی کوردستان ئەنجام دەدرێت
SNN-
کاتژمێر 11:00ی پێشنیوەڕۆی ئەمڕۆ سێشەممە کۆبوونەوەیەکی گرن و چارەنوسساز لە نێوان وەزارەتی نەوتی عێراق و سامانە سروشتییەکانی هەرێمی کوردستان و کۆمپانیاکان بەرێوەدەچێت.
وەزارەتی نەوتی عێراق بانگهێشتی هەموو ئەو کۆمپانیا نێودەوڵەتیانەی نەوتی کرد کە ئەندامن لە “ئەپیکور” و گرێبەستیان لەگەڵ حکومەتی هەرێمی کوردستان هەیە، لەگەڵ وەزارەتی سامانە سروشتییەکانی هەرێم، ئەمڕۆ سێشەممە، بۆ کۆبوونەوە لەبەغدا ئامادەبن.
وەزارەتی نەوتی فیدراڵ، ڕاگەیەنەدراوێکی بڵاو کردەوە و تێیدا هاتووە “ئامانجی کۆبوونەوەکە تاوتوێکردنی بابەتەکانی پەیوەست بەو گرێبەستانەیە کە پێشتر ڕێککەوتنیان لەسەر کراوە، بۆ ئەوەی بگەنە لێکگەیشتنێک بۆ پەرەپێدانی کێڵگە نەوتییەکان بە گوێرەی پراکتیزە نێودەوڵەتییەکان و بەشێوەیەک کەخزمەت بە بەرژەوەندیی نیشتمانی بکات.”
هەروەها د.سه‌باح سوبحی، جێگری سه‌رۆكی لیژنه‌ی نه‌وت و غاز له په‌رله‌مانی عێراق، ڕایگه‌یاند، بڕیاره ئەمڕۆ كۆبوونه‌یه‌كی گرنگ له نێوان وه‌زاره‌تی نه‌وتی عێراق و سامانه سروشتییه‌كانی هه‌رێم و كۆمپانیای ئه‌پیكۆر له‌باره‌ی پرۆسه‌ی هه‌نارده‌كردنی نه‌وتی هه‌رێمی كوردستانەوە به‌ڕێوه بچێت، کە كۆبوونه‌وه‌یه‌كی چاره‌نووسسازه له‌باره‌ی كه‌رتی نه‌وتی هه‌رێمی كوردستان..
کۆمپانیاکان چەند داواکارییەکیان لە وەزارەتی نەوتی عێراق هەیە، وەزارەتەکە رەتیکردووەتەوە پێشوەختە پارەیان پێبدات و دەڵێت لەماوەی 30 بۆ60 رۆژدا پارەیان پێدەدرێت.
رۆژی 25ی ئازاری 2023، بە بڕیاری دادگای نێودەوڵەتیی پاریس لەسەر سکاڵایەکی عێراق، هەناردەی نەوتی هەرێم لەڕێگەی بەندەری جەیهانی توركیاوە راگیرا.
