ئەو شەڕەی لە سوریا دەستیپێکردووە دەسەڵاتدارانی دیمەشق لێی بەرپرسن

SNN

بەڕێوەبەرایەتیی خۆسەر لە رۆژئاڤای کوردستان لەبارەی شەڕ لە ناوچەکانی لازقیە و حمس رایگەیاند، “هۆکاری شەڕەکان هەڵە خوێندنەوەی واقیعی سووریایە لە لایەن دەسەڵاتدارانی نوێی دیمەشق”.

لە دوێنێوە دەیان رووبەڕووبوونەوەی چەکداری لەنێوان هێزەکانی وەزارەتی بەرگریی سووریا و چەند گرووپێکی چەکدار روویانداوە کە دەگوترێت سەر بە رژێمی پێشووی بەشار ئەسەدن.

بەگوێرەی سەرچاوە خۆجێییەکانی سووریا لە ئەنجامی شەڕەکە تاوەکو بەیانیی ئەمڕۆ زیاتر لە 70 کەس کوژراون و دەیانی دیکەش بریندار بوون.