ترەمپ بۆ وڵاتانی ناتۆ “پارە نەدەن بەرگریتان لێ ناکەم”
SNN
دۆناڵد ترەمپ دووبارە لە وەڵامی پرسیاری رۆژنامەنوساندا باسی لە وڵاتانی ناتۆ کرد لە هاوپەیمانی باکووری ئەتڵەسین.
ترەمپ لە وەڵامی پرسیاری رۆژنامەنوساندا ئاماژەی بەوەکرد، گەر وڵاتانی ناتۆ پارە بە ئەمریکا نەدەن شتێکی زۆر ئاساییە کە بەرامبەر وڵاتی رووسیا هیچ بەرگرییەکیان لێ نەکەین، نازانم بۆچی لەسەر ئەم قسانەشم رەخنەم لێ دەگیرێت، من راستی دەڵێم.
ترەمپ بە رۆژنامەنوسانیش دەڵێت، گەر ئەمریکا بکەوێتە کێشەیەکی گەورەوە و پەیوەندی بە وڵاتانی ناتۆوە بکەین ئایا دێن و بەرگریمان لێ بکەن، بە دڵناییەوە نەخێر، وڵاتێکی وەک فەرەنسا دەڵێت کێشەمان هەیە، ناشمەوێت باسی وڵاتانی دیکە بکەم، بۆیە مافی ئەمریکایە داوایی پارە لە وڵاتانی ناتۆ بکات.
