لە هەولێر لەماوەی دوومانگدا سەگی بەرەڵا پەلاماری 112 كەسیان داوە
SNN-عەلی حەمەسەعید
سەرەڕای ئەوەی شێڵتەرێكی تایبەت بە كركردنەوەی سەگی بەرەڵا لە هەولێركراوەتەوە، بەڵام ئەمە نەبووەتەهۆی ئەوەی سەگی بەرەڵا لە هەولێر نەمێنن، هاوكات تەنها لە دوومانگی ڕابردووی ئەمساڵدا 112 كەس لە هەولێر لەلایەن سەگی بەرەڵا پەلاماردراون و ڕەوانەی نەخۆشخانەكراون.
بەگوێرەی زانیارییەكانی SNNبە پشتبەستن بەئامارێكی نەخۆشخانەی فریاكەوتنی ڕۆژئاوای هەولێر لەماوەی مانگی دوو سەگی بێلانە پەلاماری 54 كەسیان لە سنووری شاری هەولێر داوە و گەیەندراونەتە نەخۆشخانەی فریاكەوتنی ڕۆژئاوا، هاوكات لە مانگی یەكی ئەمساڵ بەهەمان شێوە 58 كەسی دیكە لەلایەن سەگی بێلانەوە پەلامار دراون و گەیەندراون بۆ نەخۆشخانەكە
ئاماژەبەوەشكراوە، جگە لەو 112 كەسەی كە لەماوەی دوو مانگی ڕابردووی ئەمساڵ لەلایەن سەگە بێلانەكانی هەولێرەوە پەلاماردراون، لە هەمان كاتیشدا لە ساڵی ڕبردوودا بە تێكڕا 628 كەس لەلایەن سەگی بێلانەوە پەلاماردراون.
زانیارییەكانی SNN لەكاتێكدایە كە سەرەڕای ئەوەی ماوەیەكە شێڵتەرێكی تایبەت بە كۆكردنەوەی سەگی بێلانە لە هەولێر دروستكراوە، بەڵام دروستكردنە ئەم شێڵتەرە نەبووەتە هۆی ئەوەی دیاردەی سەگی بەرەڵا لە كوچەو كۆڵان و شوێنە گشتییەكانی هەولێر كۆتایی پێبێت.
