بارانبارین
SNN-
کەشناسی هەرێم ڕایگەیاند، ئاسمان هەورى باراناوى دەبێت و پلەکانی گەرما دادەبەزن و لە هەندێ ناوچە بارانی بە لێزمە دەبارێت.
کەشناسی هەرێمی کوردستان کەشوهەوایی ئەمڕۆ و سبەی بڵاوکردەوەو رایگەیاند، ئاسمان هەورى باراناوى دەبێت لە زۆربەى کاتەکاندا، ڕێژەى دابارین لە پارێزگاكانی سلێمانی و هەڵەبجە و ئیدارەی گەرمیان زیاترە بەراورد بە ناوچەکانى ترى هەرێم.
وتیشی، پلەکانی گەرما بە نزیکەی (2 – 4) پلەى سیلیزى نزمتر دەبێت لە تۆمارکراوەکانی دوێنێ.
ئاماژەی بەوەشکردووە، کەشوهەوایی سبەینێ ئاسمان هەوری تەواو دەبێت لەگەڵ بارینی باران لە هەندێ كات و شوێن، لە كاتەكانی ئێوارەدا هەندێ جار باران بارین بەشێوەی لێزمە باران دەبێت.
هاوکات، پلەکانی گەرما نزیك دەبێتەوە لە تۆمارکراوەکانی ئەمڕۆ.
بەرزترین پلەکانی گەرمای پێشبینیکراو بە پلەی سیلیزی:
هەولێر : 19 پلەی سیلیزی
سلێمانی : 16 پلەی سیلیزی
دهۆک : 18 پلەی سیلیزی
کەرکوک : 20 پلەی سیلیزی
زاخۆ : 18 پلەی سیلیزی
هەڵەبجە : 16 پلەی سیلیزی
سۆران : 17 پلەی سیلیزی
حاجی ئۆمەران : 3 پلەی سیلیزی
گەرمیان : 20 پلەی سیلیزی
