“ترەمپ چارەسەری مووچەی مووچەخۆرانی هەرێمی کوردستان دەکات”

SNN-

سیناتۆرێکى ئەمەریکى داواى خێرا جێبەجێکردنى سزا دەکات بەسەر بانکى رافیدەیندا و هەڕەشەش لە تەیف سامى، وەزیرى دارایی عێراق دەکات و دەڵێت: کوردەکانى برسى کردوە و ترەمپ چارەسەرى دەکات.

جۆو وێڵسن،کۆنگرێسمانى کۆمارییەکانى ئەمەریکا لە تۆڕى کۆمەڵایەتیی ئێکس نوسیویەتى:” پێویستە سزاى بانکى رافیدەین بدرێت”.

دەشڵێت:”کە پێویستە وەزارەتى گەنجینەى ئەمەریکا چیتر سزاکانى سەر بانکى رافیدەین دوانەخات کە ملیۆنان دۆلار بۆ هێزە چەکدارەکانى عێراق سپى دەکاتەوە”.

ئاماژەی بەوەشکردووە:” لەگەڵ ئەم سپیکردنەوەى پارەیەشدا، تەیف سامى، وەزیرى دەرایی عێراق خەڵکى هەرێمى کوردستانى عێراق برسى دەکات و مووچەکانیان نانێرێت، بەڵام ترەمپ خۆى چارەسەرى دەکات”.

ئەوەش لەکاتێکدایە، نزیک دەبینەوە لە نیوەى مانگى ئازار، بەڵام تا ئێستا عێراق مووچەى مانگى شوباتى فەرمانبەرانى هەرێمى خەرج نەکردوە.