بە تۆمەتی پیسبوونی ژینگە کارگەیەک لە سنووری عەربەت ڕادەستی دادگاکرا

SNN-

بە تۆمەتی پیسبوونی ژینگە و بڵاوبوونەوەی بۆنی ناخۆش لە هەوادا کارگەیەک لە سنووری عەربەت ڕێکاری یاسایی بەرامبەر ئەنجامدرا.

پۆلیسی دارستان و ژینگەی سلێمانی بڵاویکردەوە، بە تۆمەتی ئەو بۆنەی کە لە هەوادا بڵاوبووەتەوە و بووە بە هۆی بێزارکردنی خەڵکی سنوورەکانی (قەزای هەڵەبجەی تازە) و ناحیەکانی عەربەت و زەڕایەن و دەوروبەریان، لەلایەن بنکەى پۆلیسى دارستان و ژینگەى عەربەت کارگەیەک ڕوبەڕووى دادگا کرایەوە.

ئاماژە بەوەشکراوە، پێشتر چەند کارگە و پاڵاوگەیەک لەلایەن بنکەی پۆلیسى دارستان و ژینگەى عەربەت پەڕاوی لێکۆڵینەوەیان بۆ کراوەتەوە و ڕێکاری یاسایی لە دژیان ئەنجامدراوە.

لە ئێستادا پەڕاوی لێکۆڵینەوە بۆ ئەو کارگەیە ڕێکخراوە، بۆ وەرگرتنی ڕێکاری یاسایی و کێشەکە لە لێکۆڵینەوەدایە.