ترەمپ: پشتگیری لە مەسک دەکەم و تێسلایەک دەکڕم

SNN

دۆناڵد ترەمپ رایگەیاندووە، مەسک کارێکی زۆر نایابی بۆ گەلی ئەمریکا کردووە و وەک پشتگیرییەک لە مەسک سبەینێ ئۆتۆمبێلی تێسلا دەکڕێت.

ئەمڕۆ سێشەممە 11ی ئادار، دۆناڵد ترەمپ سەرۆکى ئەمەریکا لە لاپەڕەى تایبەتى خۆى لە تۆڕى کۆمەڵایەتیی تروس، بڵاویکردووەتەوە، کۆمارییەکان و پارێزگارەکان بەیەکەوە هاوڕان کە ئیلۆن مەسک تا سەر لێوار رۆیشتوە بۆ هاوکاریکردنى گەلەکەمان و ئەو هەر بەڕاست کارێکى زۆر نایاب دەکات.

ئاشکرایکردووە، سەربارى ئەم هاوکارییانەى مەسک، بەڵام چەپڕەوە توندڕەوەکانى ئەمەریکا هەوڵدەدەن بەشێوەیەکى نایاسایی بایکۆتى تێسلا بکەن کە یەکێکە لە گەورەترین و باشترین کۆمپانیاکانى دروستکردنى ئۆتۆمبێل تا لەوڕێیەوە هێرشبکەنەسەر مەسک و زیانى پێبگەیەنن.

دەڵێت، “بەهۆی ئەو دژایەتیانەی کە بەرامبەر مەسک دەکرێت سبەینێ یەکەم کارم کڕینی ئۆتۆمبێلی تێسلا دەبێت”.