ئەمریکا: پێشوازی لە رێککەوتنی نێوان هەسەدە و حکومەتی سوریا دەکەین

SNN-

وەزیری دەرەوەی ئەمریکا رایگەیاند، واشنتن پێشوازی لە رێککەوتنی نێوان هەسەدە و حکومەتی سووریا دەکات، دەشڵێت:”بەردەوام دەبین لە چاودێریکردنی ئەو بڕیارانەی دەسەڵاتی راگوزەری وڵاتەکە دەیدات”.

مارکۆ رۆبیۆ، وەزیری دەرەوەی ئەمریکا لە راگەیەندراوێکدا بڵاویکردەوە، واشنتن پێشوازی لەو رێککەوتنە دەکات کە بەم دواییە لە نێوان هێزەکانی سووریای دیموکرات و دەسەڵاتدارییەتیی کاتی سووریا ڕاگەیەندرا بۆ تێکەڵکردنی باکووری رۆژهەڵات بۆ نێو سووریایەکی یەکگرتوو”.

دەشڵێت:”پشتیوانی قۆناغی راگوزەری سیاسی لە سووریا دووپاتدەکەینەوە بە جۆرێک حکومەتێکی نامەزهەبی متمانەپێکراو دروستبکرێت وەک باشترین رێگە بۆ رێگریکردن لە شەڕ و پێکدادانی زیاتر لە سووریا”.

ئاماژەی بەوەشکردووە:”ئێمە لە نزیکەوە چاودێریی ئەو بڕیارانە دەکەین کە لەلایەن دەسەڵاتدارییەتیی کاتی سووریا دراون بە لەبەرچاوگرتنی نیگەرانییەکانمان سەبارەت بە تووندوتیژییە خوێناوییەکەی ئەمدواییە لە دژی پێکهاتەکان”.