ئەمریکا ناوی ئەو وڵاتە عەرەبیانە بڵاودەکاتەوە کە ناهێڵێت بێنە وڵاتەکەیان

SNN

بەپێی هەواڵێكی رۆژنامەی “نیویۆرک تایمز”ی ئەمریکا، ئەمریکا پلانێکی وردی دارشتووە بە قەدەغەکردنی هاتنە ناوەوەی هاووڵاتیانی چەند وڵاتێکی عەرەبی و بیانی بۆ نێو خاکی ئەمریکا.

ئەو وڵاتانەی ئەمریکا لە ریزبەندییەکەی خۆیدا دایناون دەکرێن بە 43 وڵاتەوە و ئەوانیش دابەشدەبن بەسەر سێ پۆلدا- کە لە قەدەغەی تەواوەتی سەردانی ئەمریکا بۆ گەشتکردن لە ژێر مەرج و رێنماییەکان دەیانگرێتەوە.

کۆمەڵەی یەکەم خۆی دەبینێتەوە لە هاووڵاتی ئەو وڵاتانەی کە بە هەموو جۆرێک قەدەغەیە سەردانی ئەمریکا بکەن کە بریتین لە، یەمەن، لیبیا، سوریا، سۆماڵ، سودان، لەگەڵ ئەفغانستان و بۆتان و فەنزوێلا و ئێران و کۆریایی باکوور و کوبا.

کۆمەڵەی دووەم کە خۆی دەبینێتەوە لەو وڵاتانەی کە لەژێر مەرج و رێنمایی توندا دەتوانن سەردانی ئەمریکا بکەن، بریتین لە، رووسیا، بیلارووسیا، هایتی، لاوس، میانمار، پاکستان، سیرالیۆن و تروکومانستان و ئەریتریا و باشووری سودان.

کۆمەڵەی سێیەم کە خۆی دەبینێتەوە لەو وڵاتانەی چاودێری و رێنمایی کەمتریان لەسەرە بۆ گەشتەکانیان بۆ وڵاتی ئەمریکا خۆی دەبینێتەوە لە، ئەنگۆلا، بۆرکۆنۆ فاسۆ، گامبیا، دۆمینیکا، کۆنگۆ، زیمبابۆی، کەمبۆدیا، کامیرۆن، کۆنگۆ و لیبریا و مۆریتانیا، و مالاوی و مالی، سان کیتس و سانت لوسیا و چاد و غینیا،و بەشێکی دیکە لە وڵاتانی ئەفریقا.