قیرتاوكردن و كۆنكرێتكردنی شەقامی 100 مەتری سلێمانی دەستیپێكردووە

SNN-عەلی حەمە سەعید

ئەندازیاری سەرپەرشتیاری پرۆژەی شەقامی 100 مەتری سلێمانی ئاماژە بەوەدەكات كاركردن لەشەقامی 100 مەتری سلێمانی بەردەوامەو كاری قیرتاوكردن و كۆنكرێت لەهەر چوار بەشی شەقامەكە دەستیپێكردووەو لەڕۆژانی داهاتووش كاركردن بەردەوامی دەبێت.

تاژان ئەنوەر، ئەندازیاری سەرپەرشتیاری شەقامی 100 مەتری سلێمانی بە SNNی ڕاگەیاند: كاركردن لەشەقامی 100 مەتری سلێمانی كە بەشەقامی شاڕێی بابان ناسراوە كاركردن تیایدا بەردەوامی هەیە و چەند ڕۆژێكە كاری قیرتاوكردن و كۆنكرێت لەهەر چوار بەشی شەقامەكە، دەستیپێكردووە.

ئاماژەی بەوەشكرد، قیرتاوكردن و كۆنكرێتكردن لەهەردوو شەقامی سەرەكی و هەردوو شەقامی خزمەتگوزاری دەستیپێكردووە و بەردەوام دەبێت، هاوكات لە مانگی ڕابردوو بەهۆی باران بارین و  نالەباری كەشوهەوا كاركردن لەشەقامەكە  وەك پێویست نەبوو، بەڵام چەند ڕۆژێكە كاركردن لەشەقامی 100 مەتری بەتەواوی دەستیپێكردووەتەوە.

پرۆژەی شەقامی 100 مەترسی سلێمانی لە 11/7/2020 كاركردن تیایدا دەستپێكردووە و بڕی 400 ملیار دیناری بۆ تەرخانكراوە و بە یەكێك لە پرۆژە ستراتیژییەكانی سنوری پارێزگای سلێمانی دادەنرێت و بڕیارە بەچەند قۆناغێك كۆتایی بە كاركردن تیایدا بهێندرێت.