مووچەی ئەم مانگەی پەرلەمانتارانی عێراق دەبڕدرێت

SNN-

سەرۆكی ئەنجوومەنی نوێنەرانی عێراق رایگەیاند، بەهۆی ئەوەی هیچ كارێكیان جێبەجێ نەكردوو، مووچەی مانگی ئاداری ئەندامانی ئەنجوومەنی نوێنەران دەبڕن.

مەحمود مەشهەدانی، سەرۆكی ئەنجوومەنی نوێنەرانی عێراق، لە چاوپێكەوتنێكی رۆژنامەوانیدا رایگەیاند، بەهۆی ئەوەی لە مانگی ئاداردا بەشداریی هیچ دانیشتنێكیان نەكردووە و هیچ كارێكیان جێبەجێ نەكردووە، مووچەی سەرجەم ئەندامانی ئەنجوومەنی نوێنەرانی عێراق و دەستەی سەرۆكایەتیی ئەنجوومەنی نوێنەران دەبڕێت.

دەشڵێت:”بە مەبەستی جێبەجێكردنی بڕیارەكە، راوێژ بە لایەنی یاسایی و سەرۆكی فراكسیۆنەكان دەكەین و فەتواش لە مەرجەعییەتی شیعە و سوننە وەردەگیرێت”.